“Jam tronditur nga vrasja e Liridona Ademajt”, ministri i Mbrojtjes i Kosovës: Ndaj pjesëtarit të FSK-së do të veprohet në përputhje me rregulloren - Kosova
Kosova 2 Dhjetor 2023, 07:48

“Jam tronditur nga vrasja e Liridona Ademajt”, ministri i Mbrojtjes i Kosovës: Ndaj pjesëtarit të FSK-së do të veprohet në përputhje me rregulloren

Shkruar nga Pamfleti

“Jam tronditur nga vrasja e Liridona Ademajt”, ministri i Mbrojtjes

Ministri i Mbrojtjes së Kosovë, Ejup Maqedonci ka reaguar për ngjarjen për ngjarjen e rëndë që shokoi vendin duke thënë se është i tronditur nga rasti i vrasjes së Liridona Ademaj Murseli.

Ai foli edhe për arrestimin e pjesëtarit të FSK-së, Kushtrim Kokalla, ku tha se ndaj këtij pjesëtari do të veprohet në përputhje me rregullat e FSK-së.

“I tronditur kam përcjellur ngjarjen e fundit tragjike, atë të vrasjes së Liridona Ademaj. Ndërkohë që zhvillimet e fundit rreth zbardhjes së rastit kanë sjellë një situatë makabër në publik, para pak çastesh jam informuar për arrestimin e një pjesëtari të FSK’së në lidhje me ngjarjen.

Të gjithë të përfshirët në ngjarje duhet të marrin dënimin që meritojnë ndërsa deri në zbardhjen e plotë të rrethanave, ndaj pjesëtarit të FSK’së do të veprohet në përputhje me rregulloret e FSK-së.

Ngushëllime familjes, të afërmve dhe gjithë qytetarëve të prekur nga vrasja e Liridona Ademajt!”, ka thënë ai.

Për vrasjen e saj deri më tani janë arrestuar tre persona, përfshirë edhe bashkëshortin, Naim Murseli. Ky i fundit ka porositur vrasjen e saj.

liridona murseli ejup maqedonci