Aktualitet20 Korrik 2023, 10:18

13-vjeçari u gjet i vdekur brenda automjetit në Tiranë, eksperti ngren alarmin: Kujdes nga bateritë e makinave, çlirojnë gaz vdekjeprurrës

Shkruar nga Pamfleti

13-vjeçari u gjet i vdekur brenda automjetit në Tiranë,

Eksperti i kriminalistikës, Ervin Karamuço ka treguar rrezikun e madh që vjen nga bateritë e makinave, teksa bën thirrje për kujdes të shtuar në ndërrimin e tyre.

Një 13-vjeçar ndërroi jetë ditën e djeshme në Babrru të Tiranës, dhe paraprakisht shkak dyshohet se është bërë gazi i çliruar nga bateria e një makine që ndodhej në garazhin e shtëpisë.

Karamuço thotë se bateritë e makinës çlirojnë hidrogjen sulfuric, një gaz që është vdekjeprurrës, sidomos në hapësira të mbyllura.

"Një këshillë që shpëton jetë: Ndërrojini bateritë e makinave në ambjente të hapura dhe me ndihmën e një tekniku.

Vdekjet nga bateritë e makinave janë të rralla, por ndodhin. Një nënë me një fëmijë 3 vjeçar u asfiksuan dhe u gjetën pa shenja jete në makinë, para disa muajsh në USA. Fajtori është gazi shumë toksik i hidrogjenit sulfurik. Në kushtet e nxehtësisë së lartë nga mbikarikimi difektoz ose nga dëmtimi i strukturës mbrojtëse të baterisë së makinës, acidi sulfurik i saj, çliron hidrogjenin sulfurik.

Ky gas është vdekjeprurës, sidomos në hapësira të mbyllura, duke dëmtuar rëndë funksionimin e aparatit respirator tek njeriu. Ngushëllime familjes për humbjen e djalit 13 vjeçar.", shkruan Karamuço.

bateri makina eksperti 13 vjecari