FLASH
Shkruar nga Pamfleti
Autoriteti Kombëtar i Ushqimit në Elbasan ka bllokuar një sasi prej 50 tonësh misër rifuxho për bagëti, të ardhur nga Serbia, pas urdhrit të Ministrisë së Bujqësisë për ndalimin dhe kontrollin e produkteve të importuara nga ky vend.
Vendimi është marrë pasi dyshohet se nuk janë respektuar standardet e sigurisë ushqimore, një çështje që ka alarmuar autoritetet dhe ka vënë në fokus produktet bujqësore të importuara.
Sasia e misrit është bllokuar në një subjekt në Elbasan, ku inspektorët e AKU-së kanë kryer verifikimet e para dhe kanë marrë mostrat për analizat laboratorike.
Aktualisht, 50 tonët janë në pritje të rezultateve, ndërsa 25 tonë nga kjo sasi pritet të asgjësohen, bazuar në dyshimet e ngritura dhe kontrollet paraprake.
Paralelisht, AKU Elbasan ka intensifikuar kontrollet në disa subjekte të tjera në qark, me qëllim garantimin e sigurisë ushqimore dhe mbrojtjen e konsumatorit.
Sipas AKU, çdo produkt që nuk plotëson kushtet e kërkuara do të bllokohet dhe, në rast nevoje, asgjësohet. Institucionet po vijojnë monitorimin dhe pritet që ditët në vijim të publikohen rezultatet e analizave përfundimtare.
...misri qe eshte i infektuar me virus per te semurur bagetite ......po mjelli per buke qe hame do bllokuar.....do bllokuar shume gjera qe vjen nga serbia