FLASH
Shkruar nga Pamfleti
Gjyqtari i Gjykatës së Apelit në Tiranë, Astrit Kalaja, u ekzekutua një ditë më parë në sallën e gjyqit, sapo përfundoi shpalljen e një vendimi lidhur me një konflikt pronësie.
Ngjarja ka tronditur opinionin publik, ndërsa Gjykata e Apelit ka ndërprerë ccdo aktivitet për 3 ditë. Gjithashtu Gjykatat e Rretheve Gjyqësore kanë pezulluar punën gjatë ditës së sotme.
Vrasja e gjyqtarit në sallën e gjyqit jo vetëm është rasti i parë në Shqipëri, por ngjarje të tilla nuk kanë ndodhur në asnjë vend të Europës, madje edhe më gjerë.
Por si është përjetuar kjo ngjarje e rëndë nga trupat e avokatëve?
Brunilda Lika është shprehur e tronditur për ngjarjen.
Ajo tha për mediat se ngjarja e djeshme është këmbanë alarmi për sigurinë në sistemin e drejtësisë. Ajo pohoi se kur ndodhi ngjarja ishte brenda gjykatës.
“Isha e pranishme në Gjykatën e Apelit. Të humbasë një gjyqtar jetën teksa jep një vendim për Republikën e Shqipërisë, është akt i paprecedentë.
Pashë trembjen që ndodhi në ambiente te gjykatës. U grumbulluan në një hapësirë ku ne avokatët mblidhemi.
Nuk pashë asgjë pasi gjendja ishte tronditëse. Kur u bë kjo gjë, na kap paniku. Është akt i paprecedentë, vrasja e një gjyqtari brenda sallës së gjyqit. Nuk pash asgjë, pasi nuk isha e pranishme në ambientin e sallës.”, tha avokatja.
Lini një Përgjigje