FLASH
Shkruar nga Pamfleti
Reshjet e dendura të shiut dhe prurjet nga përrenjtë shkaktuan probleme pasditen e së enjtes në fshatin Bardhaj, në njësinë administrative të Shkodrës.
Sasia e ujit rriti nivelin e kanalit kryesor, i cili doli mbi rrugë dhe pengoi qarkullimin. Ujërat u përhapën edhe në tokat bujqësore përreth, duke shkaktuar përmbytje të sipërfaqeve të mbjella.
Në disa zona të fshatit, uji hyri në oborret e dhjetëra banesave, duke krijuar vështirësi për banorët. Situata u përkeqësua nga prurjet e shpejta dhe pamundësia e kanalit për të përballuar sasinë e ujit.
Bashkia Shkodër ndërhyri për pastrimin dhe lirimin e kanalit kryesor. Pas ndërhyrjes, rruga dhe kanali u kthyen në funksion normal.
Autoritetet vendore kërkojnë nga banorët të mbajnë të pastra kanalet kulluese dhe të shmangin hedhjen e mbetjeve, për të parandaluar përsëritjen e situatave të ngjashme gjatë reshjeve.
Lini një Përgjigje