FLASH
Shkruar nga PamfletiDitën e martë vendi ynë do të ndikohet nga kushte atmosferike të paqëndrueshme.
Moti parashikohet të jetë me vranësira mesatare e të denduar si dhe alternime kthjellimesh të herëpashershme.
Shërbimi Meteorologjik Ushtarak bën të ditur se do të ketë prezencë të reshjeve të shiut që në orët e para të 24-orëshit në pjesën më të madhe të vendit me intensitet të ulët.
Gjatë ditës hera-herës në zonën e veriperëndimit e jugperëndimit parashikohen reshje shiu në formën e shtrëngatave afatshkurtra.
Në orët e mesditës dhe pasdites në jugperëndim në Vlorë, Himarë, Delvinë dhe në veriperëndim, Velipojë, Shkodër, Lezhë parashikohen reshje shiu me intensitet mesatar deri të lartë, hera-herës me shtrëngata, shoqëruar me shkarkesa elektrike.
Në zonën e Alpeve dhe në lartësinë mbi 1500 metra parashikohen reshje bore me intensitet të ulët.
Era do të fryjë me drejtim nga juglindje- jugperëndim me shpejtësi mesatare me shpejtësi mesatare deri në 7m/sek, e cila hera-herës përgjatë vijës bregdetare dhe zonave luginore fiton shpejtësi deri në 20m/sek.
Valëzimi në detet Adriatik dhe Jon parashikohet i forcës 3-5 ballë.
Lini një Përgjigje