FLASH
Shkruar nga Pamfleti
Njëri prej protestuesve të shoqëruar nga Policia e Shtetit pas incidenteve të regjistruara gjatë protestës së sotme para Kuvendit është lënë i lirë dhe ka reaguar për mediat menjëherë pas daljes nga Komisariati nr. 1.
Ai deklaroi se deri në momentin e lirimit nuk i ishte komunikuar arsyeja zyrtare e ndalimit. Protestuesi tha gjithashtu se, sipas tij, pjesëmarrësit në tubim janë përpjekur që nga fillimi të shmangin çdo përplasje dhe provokim.
“Argumentin nuk e kemi marrë akoma. Desha të bëj me dije opinionin publik se kemi qenë prej fillimit duke mbrojtur policinë prej çdo provokimi. Policia është shtresa më e keqpërdorur në 36 vjet. Do ta vazhdojmë protestën paqësore. Çdo provokim nuk është pjesë e jona. Ju e dini mirë se kemi qenë në rreshtin e parë që të mos ketë provokim”, u shpreh protestuesi për "News 24".
Më herët, disa protestues u shoqëruan nga policia pas incidenteve të ndodhura para Kuvendit. Pas përfundimit të procedurave, një pjesë e tyre janë lënë të lirë, ndërsa autoritetet vijojnë veprimet procedurale lidhur me ngjarjen.
Lini një Përgjigje