Aktualitet23 Maj 2023, 14:11

Shqipëria dhe Anglia arrijnë marrëveshjen, të burgosurit shqiptarë do të vuajnë dënimin në atdhe

Shkruar nga Pamfleti
Shqipëria dhe Anglia arrijnë marrëveshjen, të burgosurit
Kryeminsitri Edi Rama dhe homologu britanik Edi Rama

Shqipëria dhe Britania e Madhe mbrëmjen e djeshme kanë finalizuar një marrëveshje sipas së cilës të dënuarit shqiptarë do vuajnë pjesën e dënimit të mbetur në Atdhe.

Marrëveshja e firmosur do të çojë përpara marrëveshjen e vitit 2020, nënshkruar nga ish-ministrja e drejtësisë Etilda Gjonaj.

Në këtë marrëveshje të re udhëhequr nga ministri i Drejtësisë Ulsi Manja me detaje parashikohet se pala angleze do të paguajë sipas kostove të Shqipërisë për çdo të burgosur që do të pranohet.

Aktualisht në burgjet angleze vuajnë dënime të ndryshme 1536 mes tyre 17 persona dënuar për vrasje.

Qeveria angleze dhe ajo shqiptare në orët në vijimin pritet të publikojnë një deklaratë të përbashkët për arritjen e kësaj marrëveshje, e cila pritet të nënshkruhet në Londër nga kryeministrat Sunak dhe Rama apo dy ministrat e drejtësisë Ulsi Manja dhe Alex Chalk muajin e ardhshëm.

Ditët e fundit, gazetat Daily Telegraph dhe The Sun paralajmëruan përmes dy shkrimeve të ndryshme se kjo marrëveshje ishte drejt finalizimit.

shqipëria britania e madhe marrëveshja për të bugosurit