FLASH
Shkruar nga Pamfleti
Një e re, pjesëmarrëse në protestën e 47-të qytetare, iu drejtua me një mesazh të fortë klasës politike, duke deklaruar se të rinjtë nuk do të heqin dorë nga protestat dhe nuk do të largohen nga vendi.
Ajo theksoi se në tubim ishin bashkuar shumë të rinj dhe studente, të cilët u shfaqën të veshur me pelerinat e diplomimit për të përcjellë një mesazh simbolik.
"Sot janë bashkuar të gjithë, të rinj e të reja. Studentët janë veshur me pelerinat e diplomimit dhe kanë një mesazh për të gjithë ju. Po mendoni se jemi lodhur dhe do të largohemi edhe ne", u shpreh studentja.
Në vijim të fjalës së saj, qytetarja iu drejtua qeverisë dhe klasës politike, duke theksuar se të rinjtë do të vazhdojnë të qëndrojnë në Shqipëri dhe të kërkojnë ndryshim.
"O ju të dashur qeveritarë, klasë e kalbur politike, po jua rikujtojmë edhe një herë: ne do të qëndrojmë, nuk do të largohemi", u shpeh ajo dhe theksoi rëndësinë e rinisë për të ardhmen e vendit.
"Nëse e ardhmja e Shqipërisë është në Shqipëri, pa rini nuk ka Shqipëri", theksoi protestuesja.
Lini një Përgjigje