FLASH
Shkruar nga Pamfleti
Pjesëmarrësit, të cilët u mblodhën fillimisht në qendër të Tiranës, kanë vijuar lëvizjen përgjatë akseve kryesore, duke shkaktuar devijime të trafikut dhe vështirësi në qarkullim.
Protesta e opozitës ka vijuar me marshim në rrugët kryesore të kryeqytetit, ndërsa një grup protestuesish kanë bllokuar përkohësisht qarkullimin e automjeteve në Rrugën e Durrësit.
Pjesëmarrësit, të cilët u mblodhën fillimisht në qendër të Tiranës, kanë vijuar lëvizjen përgjatë akseve kryesore, duke shkaktuar devijime të trafikut dhe vështirësi në qarkullim.
Forca të shumta policie ndodhen në terren për të monitoruar situatën dhe për të garantuar mbarëvajtjen e protestës.
Gjatë marshimit janë dëgjuar thirrje kundër qeverisë dhe kërkesa për ndryshim politik, ndërsa organizatorët kanë bërë thirrje për vijimin paqësor të tubimit.
Bllokimi i Rrugës së Durrësit ka krijuar radhë automjetesh në disa segmente të zonës, ndërsa drejtuesit e mjeteve janë orientuar drejt akseve alternative.
Protesta pritet të vijojë edhe në orët në vijim, ndërsa organizatorët kanë paralajmëruar ndalesa dhe fjalime në disa pika të kryeqytetit.
Lini një Përgjigje