FLASH
Shkruar nga Pamfleti
Deklarata e avokatit Mark Nika pas takimit me drejtuesin e SPAK ngre një pyetje të rëndë për dosjen e 21 Janarit: pse një provë e konsideruar kyçe mbeti pa ri-ekspertim për muaj të tërë, edhe pas regjistrimit të procedimit penal?
Takimi i 24 marsit 2026 mes avokatit Mark Nika dhe drejtuesit të SPAK solli në sipërfaqe një fakt që rëndon hetimin për 21 Janarin. Sipas deklaratës së Nikës, kaseta me audio-përgjimin nuk ishte dërguar ende për ri-ekspertim. Ky zhvillim ngre dyshime të forta për zvarritje të pajustifikuar të një prove që konsiderohet kyçe në dosje.
Çështja e 21 Janarit rikthehet sërish në qendër të debatit, jo për mungesë provash, jo për pengesa procedurale, por për mënyrën si është administruar hetimi nga organet që kishin detyrimin ta çonin përpara.
Takimi i zhvilluar më 24 mars 2026 mes avokatit Mark Nika, xhaxhai i Aleks Nikës, dhe drejtuesit të SPAK, Klodian Braho, nxori në pah një element që ngre pikëpyetje të rënda për ritmin dhe seriozitetin e hetimit. Pas takimit, Mark Nika deklaroi se drejtuesi i SPAK i kishte thënë se kaseta me audio-përgjimin, ku pretendohet se ndodhen zërat e personave që dhanë urdhra për të qëlluar mbi protestuesit, nuk ishte dërguar ende për ri-ekspertim.
Nëse kjo deklaratë qëndron, atëherë kemi të bëjmë me një fakt procedurial me peshë të rëndë. Sepse bëhet fjalë për një provë që është konsideruar prej kohësh si një nga elementet më të rëndësishme të dosjes.
Sipas rrjedhës kohore të çështjes, kallëzimi për 21 Janarin u pranua pas ndërhyrjes së Gjykatës së Lartë në mars 2024, mbi bazën e vendimmarrjeve të mëparshme dhe të kërkesës së familjarëve të viktimave. Regjistrimi i procedimit penal në SPAK u bë në korrik 2024. Nga ai moment, një nga veprimet më të pritshme hetimore do të ishte pikërisht dërgimi i kasetës për ri-ekspertim.
Por kjo, sipas deklarimeve publike të bëra nga avokati Mark Nika, nuk ndodhi për një kohë të gjatë. Dhe pikërisht këtu nis thelbi i dyshimit. Jo thjesht pse nuk u krye një veprim hetimor, por pse nuk u krye një veprim hetimor që dukej elementar për ecurinë e dosjes.
Përgjegjësia institucionale për këtë periudhë bie mbi drejtimin e atëhershëm të SPAK. Referuar kohës kur procedimi penal u regjistrua dhe qëndroi nën administrimin e institucionit, pyetja që kërkon përgjigje është e drejtpërdrejtë: kush vendosi që kjo provë të mos dërgohej për ri-ekspertim dhe mbi çfarë arsyetimi?
Dyshimet bëhen edhe më të forta nga një tjetër element. Më 31 korrik 2025, në një deklarim publik, Altin Dumani tha se hetimi për dosjen “21 Janari” po ecte shumë mirë dhe se materiale ishin dërguar për ekspertim. Nëse ndërkohë kaseta e audio-përgjimit nuk ishte dërguar ende për ri-ekspertim, atëherë lind domosdoshmërisht nevoja për sqarim publik mbi atë që është ekspertuar realisht dhe mbi atë që ka mbetur jashtë veprimeve hetimore.
Kjo çështje rëndohet edhe më shumë nga fakti se Altin Dumani ka pasur rol edhe më herët në dosjen e 21 Janarit, kur ishte prokuror në Prokurorinë e Krimeve të Rënda. Kjo e bën edhe më të ndjeshme kërkesën për transparencë, sepse opinioni publik ka të drejtë të dijë nëse kemi të bëjmë me vonesa proceduriale, me interpretim të gabuar kompetencash, apo me një zvarritje që kërkon verifikim administrativ dhe disiplinor.
Nga sa pretendohet në material, dosja ka kaluar edhe në përplasje kompetencash mes SPAK dhe Prokurorisë së Tiranës, deri sa Gjykata e Lartë e konsideroi çështjen kompetencë të SPAK dhe urdhëroi regjistrimin e saj. Por edhe pas kësaj, sipas të njëjtave pretendime, ritmi i hetimit mbeti i ngadaltë dhe prova kyçe nuk u trajtua me urgjencën që kërkonte dosja.
Këtu nuk kemi më thjesht një debat politik. Kemi një çështje që prek besimin te drejtësia e re. Sepse nëse një dosje me katër viktima, me interes të lartë publik dhe me prova të debatueshme, por të rëndësishme, zvarritet edhe pas urdhrit të Gjykatës së Lartë, atëherë problemi nuk mund të fshihet pas formulave burokratike.
Institucionet përgjegjëse duhet të japin përgjigje të qarta. Këshilli i Lartë i Prokurorisë dhe Inspektori i Lartë i Drejtësisë duhet të verifikojnë rrjedhën proceduriale të dosjes, afatet, vendimmarrjet dhe arsyet pse një veprim hetimor kaq i rëndësishëm nuk u krye në kohë, nëse vërtetohet se nuk u krye.
Përtej çdo interpretimi politik, një pyetje mbetet e hapur dhe kërkon përgjigje me dokumente: pse kaseta e 21 Janarit nuk u dërgua për ri-ekspertim menjëherë pas regjistrimit të procedimit penal në SPAK?/Pamfleti
E gjitha kjo ka vetëm një shpjegim. As SPAK dhe as Prokuroria e Tiranës nuk ka rregjistruar proçedim penal. Presin të vdes avokati Mark Nika. Rregjistrohet proçedim penal pa emër dhe vazhdojnë hetimet. Pa rregjistruar fare proçedim penal nuk ka si të ketë hetime paraprake dhe as kërkesë në gjykatë për shtytje të hetimeve paraprake. Dhe nuk ka si të ndodhte ndryshe. Mazhoranca (Sali Berisha) dhe opozita e atëhershme( Edi Rama) nuk mund të lejojnë të penalizojnë veten. Dhe kreu i SPAK domosdo e ka parë të 'arsyshme' të mos i luaj zaret.
Tall trrapin qeveria e klasa politike rond fare me ne pz.. me kte duket qart sa e dun popullin. Ky fisderri Rama e ai spiuni Sala,Meta
Shqiptare , gjeni menyrat me te mundeshme dhe largohuni , nga ai vend. Populli ka per te vuajtur gjith jeten me kete kaste polizike ngate dy anet. Me sistemin e drejtesise me te koruptuar ne bote. Çdegradimin e arsimit dhe hajduteria mjeksore. Asnje nga keto institucione nuk ka menduar, mendon dhe do te mendoje per ne.
21 Janari ka per te mbetur pa autor edhe pese u vrane ne mes te dites ne sy te tere Shqiperise Eshte nga ato dosje Kur te vret shteti mbetet mister njesoj si Gerdeci apo vrasja e Kosta Trebickes asnjere nuk kane per te pasur autor vete autore jane mafia Shteterore qe jepte urdhra te ini te bindur nese SPAK do donte ta zbardhte Sot keta kriminela do te ishin o po as hekurave gje qe nuk ka per te ndodhur kurre .
Ah mor SKAPI,nuk thoshte kot Sali CARI. Por te pakten shikoni ti dubloni rrogat. Kishim shprese tek ju, por ...
O pika, pika…. 21 janari është ngjarje pothuajse e zbardhur, se e pamë me zë e figurë … Ne themi, ja ku është ujku, Spak-u thotë ku janë gjurmët…. Ajo punë more djema, do koqe të forta….për njërëz si Berisha me koqe të rënda….
Do vij dita qe edhe Dumani do paguaj