Mbreti Charles III ka dhënë një mesazh të ashpër lidhur me agresionin rus në Ukrainë me rastin përvjetorit të luftës në Ukrainë. Charles III shprehet se kjo luftë i ka shkaktuar vuajtje të mëdha popullit ukrainas.
“Një sulm që i ka shkaktuar vuajtje të paimagjinueshme popullit ukrainas”, thuhet në tekstin e publikuar nga Buckingham Palace.
Në orët e para të mëngjesit të 24 shkurtit, nisi bastisja e forcave ruse në Ukrainë me qëllim “çmilitarizimin dhe denazifikimin” e vendit. Konflikti i nisur, solli krijimin e një rendi të ri botëror, duke hapur edhe njëherë plagët e vjetra të përçarjes së madhe mes Rusisë dhe Perëndimit, duke i bërë jehonë kohëve të Luftës së Ftohtë dhe kërcënimeve për përdorimin e armëve bërthamore, ndërkohë që perspektiva e një tryeze bisedimesh shihet ende me dylbi.