FLASH
Shkruar nga Pamfleti
Buenos Aires u kthye në një qytet festë pas kualifikimit të Argjentinës në finalen e Kupës së Botës 2026. Mijëra tifozë dolën në rrugët e kryeqytetit për të festuar fitoren 2-1 ndaj Anglisë në gjysmëfinale dhe arritjen në finalen e dytë radhazi të Botërorit, si edhe të tretën në 12 vitet e fundit.
Në vendin ku futbolli konsiderohet një fe dhe Lionel Messi është idhulli i padiskutueshëm, festimet morën përmasa të jashtëzakonshme. Qendra e tyre ishte Bulevardi “9 de Julio”, ndërsa Obelisku i famshëm i Buenos Aires u mbush me mijëra flamuj bardheblu dhe tifozë që këndonin pa pushim.
Absolute SCENES in Buenos Aires ???????? pic.twitter.com/kcdLhlYxoS
— Ultras Clips (@ultras_clips) July 16, 2026
Atmosfera u elektrizua nga këngët tradicionale të tifozëve argjentinas, si “Muchachos”, “Olé, olé, olé, Messi, Messi” dhe “Kush nuk kërcen është anglez”, ndërsa himni i ri i këtij Botërori, “La cuarta estrella” (“Ylli i katërt”), u këndua në kor nga turma. Boritë e makinave dhe fishekzjarrët shoqëruan festimet deri në orët e vona të natës.
Për të garantuar sigurinë, autoritetet kishin vendosur masa të rrepta rreth Obeliskut që përpara nisjes së ndeshjes. Rreth 800 efektivë policie u angazhuan për mbarëvajtjen e festimeve, ndërsa qendra e Buenos Aires u mbyll pothuajse plotësisht për qarkullimin e automjeteve.
Megjithatë, festa nuk u kufizua vetëm në kryeqytet. Qytete në të gjithë Argjentinën organizuan festime spontane, me mijëra tifozë që dolën në rrugë për të përshëndetur suksesin e kombëtares së drejtuar nga Lionel Scaloni.
Tashmë vëmendja është përqendruar te finalja e madhe e së dielës, ku Argjentina do të përballet me Spanjën. “Albiceleste” synon të fitojë titullin e katërt botëror në histori dhe të dytin radhazi, duke vazhduar epokën e artë të udhëhequr nga Lionel Messi.
LAS IMPACTANTES IMÁGENES AÉREAS DE LA MULTITUD QUE FESTEJÓ LA VICTORIA DE LA SELECCIÓN ARGENTINA EN EL OBELISCO ????????⚽️
— infobae (@infobae) July 16, 2026
El destacado monumento del centro de la Ciudad de Buenos Aires fue el punto de encuentro para los hinchas argentinos luego de la clasificación a la final de la… pic.twitter.com/An0fKnOXPh
Lini një Përgjigje