FLASH
Shkruar nga Pamfleti
Putin e ka shtyrë presidentin amerikan drejt Ukrainës, por Zelensky e di se kjo nuk ka gjasa të ndryshojë rrjedhën e luftës.
Vdekja e Papa Françeskut i bëri Donald Trump dhe Volodymyr Zelensky të takohen bashkë ballë për ballë për herë të parë, pas takimit të dështuar në Zyrën Ovale në muajin shkurt. Të dyja palët e përshkruan diskutimin e tyre 15-minutësh si produktiv, ndërsa Zelensky e quajti këtë momenti si "historik".
Presidenti francez Emmanuel Macron dukej se u përpoq të merrte pjesë në takim, por u kundërshtua ashpër nga Trump. Ndërsa Putin nuk mori pjesë në funeralin e Papa Françeskut. Putin e ka takuar të ndjerin Papa Françesku tre herë para se Rusia të pushtonte Ukrainën, por refuzoi kërkesat e Papës për të udhëtuar në Moskë që nga fillimi i konfliktit.
Pas takimit me Trump, Zelensky shkroi se: "Takim ishte i mirë. Ne diskutuam për shumë çështje. Duke shpresuar për rezultate pas atyre që folëm. Mbrojtja e jetës së njerëzve tanë është e rëndësishme, gjithashtu armëpushimi i plotë dhe i pakushtëzuar. Jemi pro paqes së qëndrueshme që do të parandalojë shpërthimin e një lufte tjetër".
Pas një takimi midis të dërguarit presidencial të SHBA Steve Witkoff dhe Putin një ditë më parë, Trump u shpreh se: "Shkuan mirë bisedimet dhe takimet me Rusinë dhe Ukrainën. Ata janë shumë afër një marrëveshjeje dhe të dy palët duhet të takohen tani, në nivele shumë të larta, për të arritur marrëveshjen. Për shumicën e pikave kryesore kanë rënë dakord”.
Ajo që nuk është e qartë është nëse Putini do ta shohë takimin ‘kokë më kokë’ Trump-Zelensky si një goditje apo si një ngjarje që po ecën sipas planit.
Në këtë pikë, lëshimet e Ukrainës janë të pashmangshme. Trump nuk do të ndërhyjë me vendosmëri në këtë luftë, madje as në skenarin që ai papritmas deklaroi qëllimin e tij për të vendosur trupa amerikane –si të vetmen mënyrë se si mund të ndalet Putini tani. Duket se Ukrainës po i mbarojnë municionet dhe për dekada me radhë u mungon shtylla kryesore për të mbrojtur popullin e tyre.
Pavarësisht heroizmit të jashtëzakonshëm të ushtarëve ukrainas në fushën e betejës dhe industrisë në zhvillim të armatimeve të Kievit, veçanërisht në prodhimin e dronëve, vendi nuk është në gjendje të luftojë përgjithmone.
Duket se nuk ka zgjidhje tjetër veçse të negociosh në bazë të propozimeve të fundit të paqes të Trump ose diçka të ngjashme me to. Trump ka sugjeruar gjithashtu që SHBA-të do të njihnin aneksimin e Krimesë nga Putini në vitin 2014, megjithëse nuk do të kishte asnjë kërkesë nga Kievi për të bërë të njëjtën gjë. Nga aludimet që bëhen në Uashington, duket se Putini mund të jetë i gatshëm të pranojë propozimet e Trump, sidomos pas kërcënimit të sanksioneve të reja.
Putini duhet të balancojë vazhdimin e luftës kundër dëmit që po i shkakton ekonomisë ruse. Por nëse arrihet një armëpushim dhe një rezultat i negociuar, pozicioni i tij do të forcohet edhe më shumë. Në Moskë, ai mund ta paraqesë lehtësisht si një fitore.
Ndërkohë, vetë pozicioni i Zelenskyt do të jetë i pasigurt. Nëse ai pranon një armëpushim dhe humbjen e zonave të mëdha të territorit ukrainas, është e vështirë të imagjinohet se ai do të jetë president për shumë më gjatë. Putini, natyrisht, do të përgatitet për këtë rezultat dhe do të bëjë plane për të shfrytëzuar kaosin që mund të pasojë.
E ardhmja për Ukrainën dhe për Perëndimin duket shumë e zymtë. Nuk ka gjasa që vendet e NATO-s t'i vijnë në ndihmë një vendi që dërgon ushtarët për të luftuar, veçanërisht në Evropën Lindore, ku Putini më gjasë do të godasë përsëri.
Vendet e NATO-s duhet të kundërshtojnë Donald Trumpin dhe ta fajësojnë për gjendjen e mjerë në të cilën ndodhet vendi dhe të merren seriozisht me mbrojtjen e Ukrainës. Kjo sigurisht nënkupton shpenzimin e shumave të mëdha parash për aftësitë ushtarake në kurriz të shërbimeve sociale, ndihmës ndërkombëtare, ndaj të cilave të gjitha qeveritë perëndimore janë bërë gjithnjë e më të varura.
Por, kjo do të thotë gjithashtu përgatitje aktive për të qenë gati për të luftuar dhe për të sakrifikuar kur të jetë e nevojshme. Kjo do të jetë ndoshta sfida më e madhe, prandaj duhet të ofrojnë ndihmë ndaj Ukrainës.
Putini do ta shohë atë që po ndodh si një dritë jeshile për agresionin e tij të ardhshëm.
Sado e tmerrshme është kjo situatë, unë ende nuk kam dëgjuar qoftë edhe një sugjerim realist për një zgjidhje alternative që nuk do të sjellë asgjë më shumë sesa vazhdimi i gjakderdhjes. Imazhi i Trump dhe Zelenskyt të ulur mbi karriget e tyre në Bazilikën e Shën Pjetrit mund të na ndjekë për vitet në vijim./ Përshtati "Pamfleti" nga "The Telegraph"
Lini një Përgjigje