Bota19 Prill 2024, 14:49

Sulmi Izraelit ndaj Iranit, Blinken refuzon të përgjigjet: Ne nuk ishim të përfshirë

Shkruar nga Pamfleti

Sulmi Izraelit ndaj Iranit, Blinken refuzon të përgjigjet: Ne nuk

Liderët e G7 u mblodhën sërish në një takim në Itali, ku diskutuan mbi situatën në Lindjen e Mesme. Pas takimit sekretari amerikan i Shtetit, Antony Blinken dha një konferencë për mediat, ku sërish dënoi sulmin e Iranit ndaj Izraelit.

Blinken tha se SHBA është e përkushtuar ndaj sigurisë së Izraelit dhe që të kujdeset që të mos përshkallëzohet konflikti në Lindjen e Mesme.

Blinken thotë se G7 është gjithashtu e përkushtuar për të kërkuar llogari nga Irani, duke vënë në dukje se qeveria amerikane njoftoi dje më shumë sanksione ndaj Teheranit.

Megjithatë Blinken refuzoi që t’i përgjigje pyetjes nëse SHBA ishte e informuar për sulmin e Izraelit këtë mëngjes ndaj Iranit. Blinken nuk tha gjë tjetër veçse theksoi se SHBA nuk ishte e përfshirë në sulm.

Ai tha se SHBA dhe G7 kanë qenë të fokusuar në punën për të de-përshkallëzuar tensionet dhe "çdo konflikt të mundshëm".

"Gjithçka që mund të them është se nga ana jonë dhe për të gjithë G7, fokusi ynë ka qenë në de-përshkallëzimi dhe shmangia e një konflikti më të madh. Në fakt kjo ka qenë e vërtetë që nga dita e parë dhe ngjarjet e tmerrshme të 7 tetorit. Qasja jonë ka qenë të parandalojmë përhapjen e konfliktit për të shmangur përshkallëzimin kudo. Ato përpjekje do të vazhdojnë," shton Blinken.

anthony blinken g7 iran izrael