Bota15 Mars 2023, 14:07

Incidenti në Detin e Zi, Kremlini: Me SHBA-në jemi në gjendje “të mjerueshme”

Shkruar nga Pamfleti

Incidenti në Detin e Zi, Kremlini: Me SHBA-në jemi në gjendje

Marrëdhëniet SHBA-Rusi janë aktualisht në nivelin më të ulët, ka thënë Kremlini.

Ditën e djeshme, Uashingtoni akuzoi Moskën për rrëzimin e një prej dronëve të saj  mbi Detin e Zi.

Zëdhënësi i Kremlinit Dmitry Peskov tha se nuk kishte kontaktuar me ndonjë zyrtar të nivelit të lartë të SHBA-së në lidhje me incidentin por tha se Rusia nuk do të refuzonte kurrë të angazhohej në dialog konstruktiv.

Ndërkohë zyrtarët amerikanë i thanë ambasadorit rus në Shtetet e Bashkuara se Moska duhet të jetë më e kujdesshme kur fluturon në hapësirën ajrore ndërkombëtare.

Kështu u shpreh të mërkurën zëdhënësi i Shtëpisë së Bardhë, John Kirby, pas rrëzimit të një droni ushtarak amerikan në Detin e Zi, për të cilën akuzojnë Rusinë, shkruan Reuters.

Departamenti amerikan i Shtetit thirri të martën ambasadorin e Rusisë në Shtetet e Bashkuara, Anatoly Antonov, për të shprehur shqetësimet për incidentin, i pari që nga fillimi i luftës në Ukrainë më shumë se një vit më parë.

“Mesazhi që i dërguam ambasadorit rus është se ata duhet të jenë më të kujdesshëm në fluturimin në hapësirën ajrore ndërkombëtare pranë aseteve të SHBA-së, të cilat, përsëri, po fluturojnë në mënyra krejtësisht të ligjshme”, theksoi Kirby.

Kirby nënvizopi gjithashtu se droni nuk është gjetur dhe mund të mos gjendet, duke pasur parasysh thellësinë e Detit të Zi.

incidenti në detin e zi kremlini