FLASH
Shkruar nga Pamfleti
Qyteti bregdetar në shtetin La Guaira po përballet sërish me një katastrofë natyrore, ndërsa ekipet e shpëtimit vazhdojnë operacionet në kushte të vështira...
Katia La Mar, një qytet bregdetar në shtetin venezuelian La Guaira, është ndër zonat më të goditura nga tërmetet e fuqishme që tronditën Venezuelën. Sipas mediave vendase, ekipet e shpëtimit kanë hasur vështirësi të mëdha për të arritur në disa pjesë të qytetit, ndërsa dëmet në infrastrukturë kanë penguar operacionet e kërkim-shpëtimit.
Një media venezueliane përshkruan situatën në terren si dramatike, duke raportuar se mungojnë strehimet, zjarrfikësit janë të mbingarkuar dhe mjetet e rënda për largimin e rrënojave janë të pamjaftueshme. Familjarët vazhdojnë të kërkojnë të afërmit e tyre të bllokuar nën ndërtesat e shembura, ndërsa shumë banorë ndodhen në gjendje shoku.
Raportohet se qyteti ka mbetur pa energji elektrike dhe shërbime telefonike, ndërsa bllokimi i rrugëve e ka izoluar pothuajse plotësisht zonën. Mediat lokale kanë raportuar gjithashtu incidente të plaçkitjeve gjatë natës.
Kjo nuk është hera e parë që Katia La Mar përballet me një fatkeqësi natyrore. Në vitin 1999, qyteti u godit nga rrëshqitje masive dheu dhe përmbytje shkatërruese që shkatërruan pjesë të mëdha të zonës, duke detyruar rindërtimin e shumë banesave.
Zona është lidhur edhe me zhvillimet e fundit politike në Venezuelë. Gjatë operacionit amerikan të janarit 2026, që çoi në arrestimin e ish-presidentit Nicolás Maduro, u kryen sulme ndaj objektivave ushtarake dhe sistemeve të radarëve në zonën e Katia La Mar. Gjatë atyre goditjeve, një raketë goditi edhe një ndërtesë banimi, duke shkaktuar vdekjen e një civili.
Lini një Përgjigje