FLASH
Shkruar nga Pamfleti
Pas tensioneve të forta diplomatike mes Uashingtonit dhe Madridit, duket se Spanja ka ndryshuar qëndrim lidhur me bashkëpunimin ushtarak me Shtetet e Bashkuara.
Përplasja nisi pasi presidenti amerikan Donald Trump kërcënoi se do të ndërpriste marrëdhëniet tregtare me Spanjën, pas refuzimit të Madridit për të lejuar përdorimin e bazave ushtarake spanjolle në operacionet kundër Iranit.
Nga ana e tij, kryeministri spanjoll Pedro Sanchez deklaroi se nuk do të bashkëpunonte me administratën Trump për këtë çështje.
Megjithatë, sipas Shtëpisë së Bardhë, situata ka ndryshuar gjatë orëve të fundit. Zëdhënësja e presidentit amerikan, Karoline Leavitt, tha para gazetarëve se Spanja tashmë ka rënë dakord të bashkëpunojë me ushtrinë amerikane.
“Mendoj se e dëgjuan mesazhin e presidentit dje me zë të lartë dhe të qartë”, u shpreh Leavitt.
Ajo shtoi se aktualisht ushtria amerikane po koordinohet me homologët e saj në Spanjë për çështje operacionale.
Megjithatë, deri më tani nuk ka një konfirmim zyrtar nga autoritetet spanjolle për këtë ndryshim të qëndrimit.
Lini një Përgjigje