FLASH
Shkruar nga Pamfleti
Irani ka reaguar ndaj deklaratave të fundit të presidentit amerikan Donald Trump, duke theksuar se, pavarësisht armëpushimit në fuqi, situata nuk konsiderohet e përfunduar dhe mbetet në kuadër lufte.
Në një deklaratë për televizionin shtetëror, një zëdhënës i ushtrisë iraniane u shpreh se vendi vijon të mbajë gatishmëri të lartë ushtarake.
“Situata ende konsiderohet si kohë lufte dhe baza e të dhënave e objektivave dhe pajisjeve të forcave është përditësuar”, deklaroi ai.
Reagimi vjen menjëherë pas një postimi të Donald Trump në rrjetet sociale, ku ai pretendonte përçarje të brendshme në Iran dhe paqartësi mbi kontrollin e strukturave shtetërore.
Zëdhënësi iranian dha gjithashtu detaje mbi organizimin e kontrollit në Ngushticën strategjike të Hormuzit, duke theksuar ndarjen e përgjegjësive mes forcave. Sipas tij, pjesa perëndimore e ngushticës menaxhohet nga Garda Revolucionare, ndërsa pjesa lindore nga ushtria e rregullt e Republikës Islamike.
Deklarata synon të kundërshtojë pretendimet për mungesë koordinimi brenda strukturave iraniane, ndërsa tensionet në rajon mbeten të larta.
Lini një Përgjigje