FLASH
Shkruar nga Pamfleti
Stuhia Ciaran ka gjunjëzuar Italinë, teksa rajonet qendrore e veriore janë më të prekura nga moti i keq.
Më kritike paraqitet gjendja në Toskanë ku pesë persona kanë humbur jetën e katër të tjerë rezultojnë të zhdukur.
Kreu i Toskanës, Eugenio Giani, njoftoi emergjencën rajonale duke e përshkruar situatën si vërtet tejet serioze.
“Fola me kryeministren Giorgia Meloni, ata po marrin masa për të shpallur gjendjen e fatkeqësisë kombëtare në Këshillin e Ministrave” sqaroi ai përmes rrjeteve sociale. Në Prato, një qytet pranë Firences, ku vdiqën dy të moshuar, kryebashkiaku Marco Biffoni, tha se dëmet e shkaktuara nga stuhia, ishin “shokuese”.
“Duket sikur dikush të jep një grusht në stomak. Të bën të qash kur shikon këtë kërdi”, u shpreh ai.
Për gjendjen e rëndë reagoi edhe vetë Meloni.
Kryeministrja Giorgia Meloni tha se po ndjek me shqetësim evoluimin e ngjarjeve katastrofike që kanë goditur veçanërisht Toskanën dhe shpreh ngushëllimet e saj të thella për viktimat, stafin e saj dhe gjithë Qeverinë.
Një tjetër viktimë u shënua nga përmbytja e një azili të moshuarish në Rosignano, pranë qytetit port të Livornos, ku u regjistruan erëra deri në 120 km/h. Në mesin e të zhdukurve është edhe një zjarrfikës i cili ishte jashtë shërbimit, por po ndihmonte të atin të vendoste thaës me rërë, e duket uji e ka marrë me vete.
Shkollat janë mbyllur në Toscana, Friuli-Venezia Giulia dhe në Veneto. Guvernatori i rajonit, Luca Zaia, i paralajmëroi banorët të mos udhëtojnë. Milano dhe zonat përreth në rajonin e Lombardisë u goditën nga stuhi të forta në fillim të kësaj jave, që kanë shkaktuar dëme të mëdha atje, si dhe një rritje të rrezikshme të nivelit të ujit në liqenin e Komos.
Kjo, në kohën kur ende nuk janë harruar pasojat e përmbytjeve të muajit maj në Emilia-Romagna ku 14 njerëz vdiqën dhe mijëra mbetën të pastrehë.
⚠️Le immagini sono chiare, non scendete in strada. Non circolate con l’auto, chi può raggiunga i piani alti delle case! pic.twitter.com/RGt6JqST6X
— Eugenio Giani (@EugenioGiani) November 2, 2023
Alarmi në La Spezia: valë të larta gjashtë metra
Në 24 orët e fundit, në Liguria janë matur reshje shumë të larta, midis 150 dhe 200 mm në të gjithë pjesën e brendshme të provincës së Xhenovas. Erërat vazhdojnë të forcohen, me rreh 142 km/h në Casoni di Suvero dhe 116 km/h në La Spezia. Stuhia intensive në bregun e Ligurisë vazhdon deri nesër: valët me një lartësi të konsiderueshme prej 6.5 metrash janë regjistruar aktualisht në La Spezia dhe një interval kohor midis një kulmi dhe tjetrit më shumë se 11 sekonda.
Milan, rritje të ndjeshme në nivelet Seveso dhe Lambro
Reshjet e dendura dhe të vazhdueshme tani dhe mbrëmjen e sotme kanë dhënë alarmin dhe po shkaktojnë rritje të ndjeshme të niveleve të Lambro dhe Seveso në Milano. Kështu ka bërë të ditur këshilltari i Mbrojtjes Civile, Marco Granelli . “Falë zotit që sonte vendosëm të mbajmë përsëri jashtë komunitetet e Parco Lambro dhe që pellgu i Milan Seveso është gati të pranojë ujë nëse nivelet vazhdojnë të rriten. Vëmendje maksimale”, thotë Granelli.
Lini një Përgjigje