Bota10 Dhjetor 2023, 13:55

Netanyahu kundërshton SHBA për t'i dhënë fund luftës në Gaza: Mos na bëni presion, do të eleminojmë Hamasin!

Shkruar nga Pamfleti

Netanyahu kundërshton SHBA për t'i dhënë fund

Kryeministri izraelit Benjamin Netanyahu ka hedhur poshtë sot thirrjet ndërkombëtare për t'i dhënë fund luftës në Gaza, duke i përshkruar ato si të papajtueshme me mbështetjen e qëllimit të luftës për eliminimin e Hamasit.

Netanyahu njoftoi se u kishte thënë liderëve të Francës, Gjermanisë dhe vendeve të tjera se “ju nuk mund të mbështesni nga njëra anë eliminimin e Hamasit dhe nga ana tjetër të na bëni presion për t'i dhënë fund luftës, gjë që do të parandalonte eliminimin e Hamasit".

Ditën e djeshme, lideri izraelit deklaroi se e vlerësonte veton e SHBA-së në Këshillin e Sigurimit të OKB-së, duke bllokuar kërkesën për armëpushim në luftën mes Izraelit dhe Hamasit në Gaza.

Ai tha se Izraeli do të vazhdojë luftën e tij "për të eliminuar Hamasin dhe për të arritur objektivat e tjera të luftës që kemi vendosur".

Vendet që votuan pro armëpushimit:

Franca

Malta

Emiratet e Bashkuara Arabe

Zvicra

Kinë

Gana

Rusia

Japonia

Shqipëria

Gabon

Brazili

Mozambik

Ekuador

netanyahu lufte gaza