FLASH
Shkruar nga Pamfleti
Presidenti i Shteteve të Bashkuara të Amerikës, Donald Trump, ka kritikuar ashpër homologun e tij rus, Vladimir Putin, pas sulmeve të fundit të Moskës në Ukrainë.
Por sipas mediave të huaja, edhe pse zemërimi i tij ishte drejtuar kryesisht ndaj presidentit rus, Trump kishte kritika të ashpra edhe për Zelenskyn.
Ai "nuk po i bën asnjë nder vendit të tij duke folur në atë mënyrë", shkroi Trump në Truth Social të dielën.
"Çdo gjë që del nga goja e tij shkakton probleme, nuk më pëlqen dhe më mirë të ndalet", shtoi ai më tej.
Marrëdhënia midis udhëheqësve amerikanë dhe ukrainas ka qenë e trazuar që nga kthimi i Trump në Shtëpinë e Bardhë, duke kulmuar me një grindje para kamerave në Zyrën Ovale në shkurt.
Rusia nisi një valë të re sulmesh ajrore masive kundër Ukrainës për natën e tretë radhazi, me dronë dhe raketa.
Për këto sulme, Donald Trump shprehu publikisht bezdinë e tij ndaj qëndrimit të Vladimir Putinit .
"Ai është çmendur plotësisht.Nuk më pëlqen ajo që po bën», tha presidenti amerikan për homologun e tij rus.
Lini një Përgjigje