FLASH
Shkruar nga Pamfleti
Një anije franceze me kontejnerë ka kaluar Ngushticën e Hormuzit, duke shënuar herën e parë që një anije nga Europa Perëndimore përdor këtë korridor strategjik detar që nga fillimi i konfliktit të SHBA-së dhe Izraelit me Iranin.
Sipas burimeve detare, anija u nis të enjten pasdite nga ujërat pranë Dubait dhe transmetoi sinjale që konfirmonin pronësinë franceze. Ajo lundroi pranë bregut iranian dhe më pas sinjalizoi hyrjen në ujërat e Omanit. Burime të ndryshme konfirmuan se kalimi u realizua pa incidente.
Që prej shpërthimit të konfliktit, më shumë se një muaj më parë, trafiku në Ngushticën e Hormuzit ka rënë ndjeshëm. Aktualisht, këtë rrugë e përdorin kryesisht anije që kanë marrëdhënie të qëndrueshme me Iranin.
Kalimi i anijes franceze konsiderohet një tregues se, pavarësisht tensioneve të larta në rajon, disa operatorë detarë nga Europa Perëndimore po rikthehen gradualisht në këtë rrugë jetike për tregtinë globale.
Lajmi do ishte nëse e pagoi taksën e kalimit.