FLASH
Shkruar nga Pamfleti
Vuçiç duket se po e refuzon politikën ruse. Ministria e Mbrojtjes ka reaguar duke e bërë të qartë se stërvitja do të zhvillohet...
Serbia duket e vendosur për të zhvilluar stërvitjen e parë ushtarake krah NATO. Pak ditë më parë u njoftua se “Ujku i Platinit”, do të zhvillohet me SHAB dhe aleancën e NATO, por kjo ka sjellë reagime të shumta. Nga Moska u duk qartë se nuk e pritën mirë këtë vendim, teksa u bë e ditur se do të monitorohen lëvizjet e Beogradit.
Por duket se përplasjet kanë nisur dhe brenda Serbisë. Të djathtët që mbështesin politikat ruse kanë kërkuar anulimin e stërvitjes.
Deputeti i Lëvizjes Dveri dhe anëtari i Komisionit Parlamentar për Mbrojtje dhe Punë të Brendshme, Borko Pushkiç, u tha gazetarëve para ndërtesës së Ministrisë së Mbrojtjes se vendimi për mbajtjen e stërvitjes “është antikushtetues dhe krijon dyshime se qeveria nuk po zbaton sovranitetin, por po përmbush urdhrat e ambasadorit amerikan Christopher Hill"
“Serbia është nën presion të vazhdueshëm për t'iu bashkuar histerisë kundër Rusisë”, tha Puskiç, duke theksuar se qëllimi i SHBA-së është që t'i jepet fund bashkëpunimit strategjik ndërmjet Serbisë dhe Rusisë në fushën ushtarake, gjë që, ka theksuar ai, e ka ndihmuar shumë Serbinë.
Por Vuçiç duket se po e refuzon politikën ruse. Ministria e Mbrojtjes ka reaguar duke e bërë të qartë se stërvitja do të zhvillohet.
“Theksojmë se interpretimet e deputetit (të lëvizjes së djathtë Dveri, Borko) Pushkiq në lidhje me gjoja braktisjen e politikës së neutralitetit ushtarak në kuadër të stërvitjes 'Ujku i Platinit', si dhe aktivitete të tjera ndërkombëtare të kryera nga Ministria e Mbrojtjes dhe Ushtria Serbe me partnerë të huaj, nuk janë as të sakta dhe as adekuate”, thuhet në njoftimin e Ministrisë.
Mbajtja e një stërvitje të përbashkët ushtarake Serbi-SHBA duket se është një goditje nga Moskës, e cila po e sheh qartë se Beogradi po shkon krah Perëndimit. /Danas
Lini një Përgjigje