FLASH
Shkruar nga Pamfleti
Irani ka vendosur që kryetari i Parlamentit, Mohammad Bagher Ghalibaf, të udhëheqë delegacionin negociator në bisedimet që do të zhvillohen në Islamabad. Sipas agjencisë iraniane të lajmeve ISNA, Ghalibaf do të kryesojë ekipin e Teheranit në takimet e planifikuara për të premten në Pakistan.
Nga ana tjetër, Shtetet e Bashkuara kanë konfirmuar se delegacioni amerikan do të drejtohet nga zëvendëspresidenti JD Vance. Shtëpia e Bardhë bëri të ditur se ai do të shoqërohet nga i dërguari i posaçëm Steve Witkoff dhe Jared Kushner, këshilltar dhe dhëndër i presidentit Donald Trump.
Zëdhënësja e Shtëpisë së Bardhë, Karoline Leavitt, theksoi se Vance ka qenë një figurë kyçe në këtë proces që nga fillimi. “Ai ka luajtur një rol shumë të rëndësishëm dhe kyç që në fillim. Ai është krahu i djathtë i presidentit dhe ka qenë i përfshirë në të gjitha këto diskutime,” deklaroi ajo.
Bisedimet në Islamabad pritet të jenë një hap i rëndësishëm në përpjekjet për të ulur tensionet mes dy vendeve dhe për të çuar përpara procesin diplomatik.
Lini një Përgjigje