FLASH
Shkruar nga Pamfleti
Turqia ka zhvilluar një tjetër test të raketës balistike “Tayfun”, duke dhënë sinjale të qarta për vazhdimin e zhvillimeve të saj ushtarake dhe teknologjike në sektorin e mbrojtjes. Sipas raportimeve të mediave turke, raketa është lëshuar me sukses dhe ka goditur objektivin me “saktësi të plotë”.
Ky është testimi i radhës pas atij të kryer në fund të muajit tetor, në kuadër të zhvillimeve që lidhen me vendosjen në përdorim të sistemit “Tayfun”, i cili ndodhet aktualisht në prodhim në masë dhe shpërndarje për përdorim ushtarak.
Agjencia shtetërore turke Anadolu raporton se testet e raketës po zhvillohen në disa variante dhe se “Tayfun” mban rekordin si raketa me rrezen më të madhe të veprimit që është prodhuar ndonjëherë brenda Turqisë.
Ministri turk i Mbrojtjes, Haluk Gorgun, deklaroi se “Tayfun” ka tejkaluar një tjetër kufi, duke zgjeruar sipas tij “horizontin e sigurisë kombëtare dhe fuqizuar kapacitetin parandalues të vendit”. Ai shtoi se Turqia po shton vazhdimisht sisteme të reja në arsenalin e saj mbrojtës përmes zgjidhjeve vendore dhe shumëplanëshe.
Në një deklaratë simbolike në rrjetet sociale turke, Gorgun e përshkroi këtë arritje jo vetëm si sukses teknik, por si “kulmin e krenarisë kombëtare” që pasqyron punën e inxhinierëve, përkushtimin e rinisë dhe vendosmërinë e popullit turk.
Raketa “Tayfun” është parë si një pjesë kyçe e strategjisë së re të Ankarasë për vetë-mjaftueshmëri ushtarake dhe për të rritur ndikimin rajonal, duke sjellë edhe shqetësime të shtuar në Greqi, Qipro dhe vende të tjera të NATO-s që e shohin me rezervë rritjen e kapaciteteve luftarake turke.
???? TAYFUN, Türkiye's longest-range and domestically produced ballistic missile, hits its target with pinpoint accuracy in its latest test
— Anadolu English (@anadoluagency) December 12, 2025
???? Ballistic missile is currently in mass production and delivery
◾️ Testing continues on its various versions https://t.co/kJnRzoAwak pic.twitter.com/6xLssgjZ22
Lini një Përgjigje