FLASH
Shkruar nga Pamfleti
Në Belgjikë u mbyll votimi, ndërsa në disa shtete është afër fundit.
Shtetet anëtare të PE do të mësojnë sot përbërjen e Parlamentit Europian. Qytetarë e tyre po votojnë për zgjedhjet europiane dhe kanë filluar të jepen sinjalet e para të rezultateve, teksa na ndajnë pak orë nga mbyllja e votimit.
Sipas exit poll-eve të publikuara nga mediat kryesore austriake, partia e ekstremit të djathtë FPO ka fituar zgjedhjet evropiane në Austri.
FPO ka marrë 27% të votave, duke u bërë për herë të parë forca politike më e rëndësishme në vendin alpin. Sipas këtij rezultati, FPO (e cila është pjesë e grupit ID, Identiteti dhe Demokracia) merr gjashtë ulëse në PE; Spo (S&d) pesë; Ovp (EPP) pesë; të Gjelbrit dy dhe Neos liberalët dy.
Në Belgjikë u mbyll votimi, ndërsa në disa shtete është afër fundit. Sa i takon pjesëmarrjes, në Itali pjesëmarrja është aktualisht 25.1 për qind. Më mirë se zgjedhjet e fundit evropiane? Apo më keq? Shumë e vështirë të përgjigjesh. Frika, megjithatë, është se pjesëmarrja përfundimtare (të dhënat për të cilat do të jenë të disponueshme pas mbylljes së qendrave të votimit në orën 23:00) do të jetë më e ulët: dhe herën e fundit ishte pak më shumë se 54 për qind. Në orën 19:00 do të ketë të dhënat e reja, që kanë të bëjnë me Italinë.
- Në Gjermani , që nga ora 14:00, pjesëmarrja e votuesve për zgjedhjet evropiane po rritet në 32.3%. Në vitin 2019, në të njëjtën kohë, kjo shifër ishte 29.4%. Për herë të parë, gjermanët e moshës 16 vjeç e lart do të mund të votojnë këtë të diel, që përfaqëson 1.4 milionë votues të mundshëm.
- Pjesëmarrja po rritet edhe në Francë: në orën 17:00 ishte 45.26%, duke u rritur me rreth 2 pikë krahasuar me 43.29% në 2019 (gjithashtu në 17:00). Në vitin 2014 pjesëmarrja ishte 35,07%. /Pamfleti
Lini një Përgjigje