Shkruar nga Pamfleti
Rusia vijon të dërgojë mesazhe kërcënuese ndaj Perëndimit. Sot ka pasur dy zhvillime interesante në Moskë, të cilat po ndiqen me vëmendje nga NATO dhe SHBA.
Nënkryetari i Këshillit të Sigurisë Kombëtare Ruse, Dmitry Medvedev, raportoi se ishte i pranishëm në testimin e një rakete të re moderne me precizion të lartë. Ai tha se kjo raketë ishte për përdorim në operacione speciale.
Lajmi është bërë i ditur nga agjencia ruse e lajmeve Tass. “Ne ishim të pranishëm në provën e lëshimit të një rakete të re moderne me precizion të lartë. Testet do të vazhdojnë”, tha Medvedev. “Karakteristikat janë përmirësuar ndjeshëm, gjë që ndikon si në rrezen e fluturimit ashtu edhe në saktësinë e goditjes së objektivit. Është forcuar edhe koka e luftës”, shtoi ai.
Por teksa Rusia po teston raketa të reja, duket se Putin po tenton të mbajë në këmbë organizatën Wagner.
Andrei Troshev, ish-komandanti i grupit Wagner i njohur si "Sedoi" ("flokë gri"), është fotografuar në një takim me Vladimir Putinin. Presidenti rus i ka kërkuar Andrei Troshev, ish krahut të djathtë të të ndjerit Prigozhin, të formojë një trupë vullnetarësh për t'i dërguar për të luftuar në Ukrainë. Këtë e ka shkruar Kremlini në një deklaratë. "Në takimin e fundit Putin- Troshev u përmend fakti se ky i fundit do të përfshihet në formimin e njësive vullnetare të afta për të kryer operacione ushtarake të llojeve të ndryshme, padyshim veçanërisht në zonën e "operacionit special ushtarak”, siç vazhdon ta quajë Kremlini ofensivën ukrainase;’, u tha në deklaratë.
Zëdhënësi i Kremlinit më pas specifikoi se Troshev, ish-komandanti i grupit Wagner punon tashmë në Ministrinë e Mbrojtjes ".
