FLASH
Shkruar nga Pamfleti
Një gjest simbolik është shënuar mbrëmjen e kësaj të enjteje gjatë protestës së zhvilluar para Kryeministrisë kundër ndërtimit në Zvërnec.
Teksa protesta vijonte në mënyrë paqësore, një nga qytetarët iu afrua efektivëve të policisë të vendosur në kordonin e sigurisë dhe u dhuroi lule të kuqe dhe të bardha.
Sipas protestuesve, gjesti u bë në shenjë solidariteti dhe respekti për efektivin e policisë që humbi jetën gjatë një operacioni policor.
Efektivët e pranuan dhuratën, duke iu përgjigjur qytetarit me buzëqeshje, ndërsa më pas vijuan detyrën. Lulet mbetën në duart e tyre teksa qëndronin në shërbim para ambienteve të Kryeministrisë.
Ky nuk është rasti i parë kur protestuesit shfaqin solidaritet ndaj uniformave blu. Edhe në ditët e mëparshme, pjesëmarrësit kanë përcjellë mesazhe respekti ndaj efektivëve të angazhuar në ruajtjen e rendit gjatë tubimeve.
Lini një Përgjigje