FLASH
Shkruar nga Pamfleti
Sot, ndonëse sistemi financiar është shumë më kompleks, sfidat mbeten të ngjashme...
Rritja e borxhit, tensionet politike dhe pasiguria ekonomike nuk janë fenomene të reja. Që në kohët e lashta, shoqëritë janë përballur me cikle të ngjashme krize dhe reagimi. Në Babiloninë e lashtë, sundimtarët përdornin faljen periodike të borxheve si një mënyrë për të shmangur shpërthimet sociale dhe për të ruajtur stabilitetin. Sot, ndonëse sistemi financiar është shumë më kompleks, sfidat mbeten të ngjashme. Borxhi global po rritet me ritme të shpejta dhe pritet të arrijë nivele rekord në vitet e ardhshme, ndërsa faktorë si konfliktet gjeopolitike, trazirat në tregjet e energjisë dhe zhvillimet teknologjike shtojnë pasigurinë. Në këtë kontekst, historia ofron gjashtë mësime thelbësore.
1. Asetet e sigurta shpesh rezultojnë më të rrezikshmet
Kriza financiare nuk lind gjithmonë nga investimet e rrezikshme, por shpesh nga ato që konsiderohen më të sigurta. Shembuj historikë tregojnë se kur besimi në këto asete tronditet, pasojat janë të mëdha. Në shekullin XVI, mospagimi i borxheve nga fuqitë evropiane tronditi ekonominë e kontinentit. Në kohët moderne, kriza e viteve 2007–08 u përshkallëzua nga dyshimet mbi obligacionet hipotekare që konsideroheshin të sigurta. Edhe sot, obligacionet e thesarit amerikan janë baza e sistemit financiar global, dhe çdo lëkundje në besimin ndaj tyre mund të ketë pasoja të gjera.
2. Flluskat financiare mund të kenë edhe pasoja pozitive
Megjithëse flluskat shpesh përfundojnë me kriza, ato mund të krijojnë edhe zhvillime të rëndësishme ekonomike. Investimet masive në ndërtimin e hekurudhave në SHBA gjatë shekullit XIX çuan në një transformim të thellë industrial dhe ekonomik, edhe pse përfunduan me kolapse financiare. Ky fenomen tregon se investimet e mëdha, edhe kur shoqërohen me rreziqe dhe humbje, mund të lënë pas infrastrukturë dhe zhvillim afatgjatë. Sot, një situatë e ngjashme po diskutohet për investimet në inteligjencën artificiale.
3. Leva financiare mbetet një rrezik i madh
Përdorimi i borxhit për të rritur fitimet është një praktikë e përhapur, por shpesh kthehet në faktor destabilizues. Tregu i repove, që përdoret për financime afatshkurtra me kolateral, është bërë një komponent kyç i sistemit financiar global. Megjithatë, historia tregon se kur ky treg ngrin, si në vitin 2008, pasojat janë të menjëhershme dhe të rënda. Rritja e vazhdueshme e këtij tregu e bën atë një burim potencial krize edhe sot.
4. Kompleksiteti financiar rrit rrezikun
Zhvillimi i instrumenteve gjithnjë e më të ndërlikuara financiare shpesh synon të menaxhojë rrezikun, por mund të prodhojë efektin e kundërt. Derivatet e kreditit, të krijuara fillimisht si një formë sigurimi, kontribuan në mënyrë të konsiderueshme në krizën e vitit 2008. Edhe sot, produkte të ngjashme si transferimet sintetike të riskut janë në rritje dhe mbeten të vështira për t’u kuptuar plotësisht, duke rritur mundësinë që rreziqet të fshihen brenda sistemit.
5. Shumë zhvillime moderne kanë precedentë historikë
Inovacionet financiare të sotme nuk janë krejtësisht të reja. Debatet mbi kriptomonedhat dhe stablecoin kanë ngjashmëri me periudha të mëparshme, si epoka e bankave të lira në SHBA, kur sistemi monetar ishte i fragmentuar dhe shpesh i paqëndrueshëm. Mungesa e rregullimit dhe besimit çoi në kriza të mëdha bankare. Kjo tregon se teknologjia mund të ndryshojë format, por jo gjithmonë natyrën e rreziqeve.
6. Krizat e reja lindin nga zgjidhjet e krizave të vjetra
Masat e marra për të stabilizuar sistemin financiar shpesh krijojnë rreziqe të reja. Kriza e kursimeve dhe kredive në SHBA në fund të shekullit XX kontribuoi në zhvillimet që çuan në krizën globale të vitit 2008. Edhe rregullimet pas kësaj krize kanë zhvendosur aktivitetet e rrezikshme drejt sektorëve më pak të rregulluar, si fondet spekulative dhe sistemi i “bankave në hije”. Kjo tregon se rreziqet nuk zhduken, por transformohen.
Historia tregon se krizat financiare janë ciklike dhe shpesh të parashikueshme në thelb. Studimi i së kaluarës ndihmon në kuptimin e rreziqeve aktuale dhe në shmangien e gabimeve të njëjta. Siç është theksuar shpesh, ata që nuk e njohin historinë rrezikojnë ta përsërisin atë./Përshtati "Pamfleti" nga "Financial Times"
B U L L S H I T !
Bjerini gozhdës në kokë e mos tarnanisni gjepura.
Once upon a time...fillojne perrallat! Nje nga te "sapo pashaportizuarit" te ishullit te Costa Rica, pa patur as me te voglen njohuri per mua personalisht, me detyroi qe per vite te mesoja matematike. Mua nuk me pelqen te tregohem e ditur por edhe modestia e tepruar eshte mendjemadhesi. Krizat financiare ne bote realizohen nga mendjet qe analizojne faktorin risk si te ishte guri ne kutine e tavulles ose ne ruleten e casino.. Pra le ta hedhim dge ta shohim se cdo te nxjerre. Dhe ky i " sapo pashaportizuar" ne ishullin e tij ishte nhe sipermarres i tipit Musk, Gates, Epstein..etj. Ne USA, Canada, New Zealand, Australia, etj organizohet cdo vit lloraria e emigracionit, pra studimet per planifikim dhe zbatim jane te percaktuara qarte mbi keto burime njerezore qe perbejne shtesen e popullsise. Pra risku psh. ne real estate me ndertime me mbi 30% mbi normen e kerkeses eshte i justifikuar. Por midis emigrimit dhe imigrimit ka nje diference te jashtezakonshme. Ideja e "zarit" te hedhur ose me sakte i mesimit te matematikes, mbas krizes 2008 te "Lehmann Brothers " ishte si te thuash ndryshimi i emrit te partise se Ilir Metes, nga Levizja Socialiste per Integrim ne Partine e Lirise. Nga koncepti matematikor Musk qe eshte me shkolle te mesme dhe billionaires nuk e ka idene e Integrimit ose Integralit. Pra ne sistemet integruese, nqs nuk zgjidh shumen e derivative ti nuk ke zgjidhje! Pse??! Sepse financial bubbles krijohen nga keta lloj tipash qe zhvillojne vetem nje kulture specifike re " shumes se billions " e marre e gatshme, shabllon pa e pershtatur dhe pa e vrare trurin te zgjidhesh situaten e krizave. Dhe partia e Metes nga partia e shumes se derivateve kaloi ne partine e lirise se derivateve, pra "money gives you the freedom". Ne situaten krizave te financial bubbles, shpesh kjo kategori individesh, mund ti gjesh edhe ne Forbes, reagojne me panic, fillojne te ulerasin per gjetjen e fajtorit, duke fituar kohe per zhvendosjen e financial bubbles ne nje destinacion tjeter, mund te kryejne nje proteste, krim, show ose gjithcka tjeter per te fituar kohe ose per te terhequr vemendjen nga Risku qe po afrohet ose eshte gati te pelcase financial bubbles, ku firma me e qarte eshte sektori i ndertimit ne Shqiperi. Por ne nuk jemi USA te organize loteri per imigrim, dmth te sjellim qindra mijera individe te jetojne bubble dream te Portorikanit, qe ne ishullin e tij jeton me idhullin e Riki Martin...Uroj qe te kenaqet me " Vivi la vida Loca".. kjo per billionaires me matematike te kufizuar, ndersa per working people, ehhh,bejme nje rikthim ne BBF e 2008 dhe do jemi setish ne kerkim te ndonje bubble ideas...Te shohim partia e Metes, si do quhet tani pas burgut, Free Meta apo Burger room