FLASH
Shkruar nga Pamfleti
Raportohet për shpërthime të fuqishme në qytetet kryesore të Gjirit: Abu Dhabi dhe Dubai në Emiratet e Bashkuara Arabe, si dhe në Doha të Katarit, me sinjale se të njëjtat shpërthime janë dëgjuar edhe në Kuvajt. Detajet rreth shkaqeve dhe dëmeve ende janë të pakonfirmuara nga autoritetet zyrtare, por lajmet e para flasin për situatë alarmante dhe reagime emergjente nga forcat e sigurisë.
Në sfond, Forcat e Mbrojtjes të Izraelit (IDF) njoftuan se kanë përmbyllur një valë sulmesh ajrore kundër objektivave të regjimit iranian në qytetet e Teheranit dhe Isfahanit. Në një postim në Telegram, IDF deklaroi se “aviacioni izraelit, i udhëhequr nga inteligjenca e saktë e IDF, goditi objektiva që i përkasin regjimit terrorist iranian” duke përfshirë instalime industriale të përdorura për prodhimin e armëve, përfshirë bazat e raketave balistike, të cilat sipas ushtrisë izraelite paraqesin “kërcënim ekzistencial” për Izraelin.
Sipas njoftimeve izraelite, sulmet në Iran synojnë të dobësojnë kapacitetet ushtarake, veçanërisht ato që lidhen me zhvillimin dhe furnizimin e raketave balistike. Që nga publikimi i deklaratës, përplasjet mes palëve janë intensifikuar, ndërsa shpërthimet në qytetet e Gjirit duket se pasqyrojnë përhapjen e konfliktit jashtë kufijve të Izraelit dhe Iranit.
Autoritetet në Emiratet e Bashkuara Arabe, Katar dhe Kuvajt nuk kanë dhënë ende informacion zyrtar të detajuar për shkallën e dëmeve apo për shkaqet e shpërthimeve, por situata mbetet në zhvillim e sipër. Shpërthimet ndërkohë janë nxitur shqetësime për rrezik të përshkallëzimit të konfliktit dhe kërcënime ndaj civilëve në vendet përreth Gjirit Persik. Autoritetet lokale kanë nisur evakuime të pjesshme dhe kanë vendosur masa sigurie për të adresuar situatën emergjente.
Lini një Përgjigje