FLASH
Shkruar nga Pamfleti
Presidenti i Shteteve të Bashkuara, Donald Trump, deklaroi se Irani nuk ka alternativa tjetër përveçse të dërgojë përfaqësues në Pakistan për të zhvilluar bisedime me SHBA-në.
Në një intervistë për CNBC, ai u shpreh i bindur se negociatat mund të çojnë në një marrëveshje të shkëlqyer.
Trump theksoi se pala amerikane nuk po negocion me “njerëzit më të mirë”, por sipas tij procesi po zhvillohet me sukses. Presidenti e cilësoi gjithashtu bllokadën detare të SHBA-së si një “sukses të jashtëzakonshëm”.
"Irani nuk ka zgjidhje tjetër përveçse të dërgojë delegatë në bisedimet me Islamaba. Pres që negociatat të çojnë në një marrëveshje shumë të mirë. Koha për arritjen e një marrëveshjeje është e kufizuar dhe në mungesë të progresit, SHBA mund të mbajë një qëndrim më të ashpër", u shpreh ai.
I pyetur nëse do të ishte i gatshëm të zgjaste armëpushimin në rast se negociatat shënojnë progres, Trump u përgjigj negativisht, duke thënë: “Nuk dua ta bëj këtë”.
Gjithashtu, presidenti amerikan la të kuptohet për mundësinë e një përshkallëzimi, duke deklaruar se pret “të bombardojë”, pasi sipas tij kjo do të përbënte një qëndrim më të fortë. Ai shtoi se koha për arritjen e një marrëveshjeje është e kufizuar, por nëse ajo realizohet, Irani mund të vendoset “në një bazë shumë të mirë”.
Lini një Përgjigje