FLASH
Shkruar nga Pamfleti
Irani ka publikuar pamje që pretendohet se tregojnë momentin kur raketat balistike godasin bazën ajrore Muwaffaq Salti në Jordani, ku u vranë dy ushtarë amerikanë dhe u plagosën disa të tjerë.
Pas këtij sulmi, Shtetet e Bashkuara njoftuan nisjen e një vale të re bombardimesh kundër Iranit. Komanda Qendrore e SHBA-së, CENTCOM, deklaroi se operacionet u zhvilluan me urdhër të presidentit Donald Trump.
Sipas CENTCOM-it, sulmet synojnë të dobësojnë aftësinë e Iranit për të kërcënuar lundrimin tregtar në Ngushticën e Hormuzit dhe të godasin drejtpërdrejt Gardën Revolucionare, të cilën Uashingtoni e akuzon për sulmin ndaj personelit amerikan në Jordani.
Mediat iraniane MEHR dhe Tasnim raportuan se bombardimet amerikane goditën zona në Sirik, një qytet-port pranë Ngushticës së Hormuzit. Agjencia shtetërore IRNA njoftoi gjithashtu për sulme pranë Hajxhabadit, në provincën jugore të Hormozganit.
Autoritetet amerikane konfirmuan se dy ushtarë humbën jetën, disa të tjerë u plagosën, ndërsa një ushtarak vijon të rezultojë i zhdukur pas sulmit iranian me raketa dhe dronë.
Video captures the moment that several Iranian medium to intermediate-range ballistic missiles struck Muwaffaq Salti Air Base in Jordan overnight, killing at least two and injuring several other American Servicemembers. pic.twitter.com/cJz39E1LvP
— OSINTdefender (@sentdefender) July 18, 2026
Lini një Përgjigje