FLASH
Shkruar nga Pamfleti
Platforma sociale Facebook është përballur këtë të diel me një ndërprerje të gjerë të shërbimit, duke lënë mijëra përdorues në mbarë botën pa mundësi për të hyrë në llogaritë e tyre.
Raportimet filluan të shtohen gjatë ditës, ndërsa përdorues nga vende të ndryshme thanë se nuk mund të identifikoheshin në Facebook, se llogaritë e tyre shfaqeshin si të paarritshme ose se faqja nuk ngarkonte përmbajtjen normalisht.
Në shumë raste shfaqej mesazhi: "Llogaria juaj aktualisht nuk është e disponueshme për shkak të një problemi me faqen. Presim që kjo të zgjidhet së shpejti".
Edhe platformat që monitorojnë funksionimin e shërbimeve online regjistruan një rritje të menjëhershme të raportimeve për probleme me Facebook dhe shërbimin e identifikimit (Facebook Login), duke sugjeruar se bëhet fjalë për një incident me shtrirje të gjerë.
Deri tani, Meta nuk ka publikuar një deklaratë zyrtare mbi shkakun e ndërprerjes dhe nuk ka dhënë një afat se kur shërbimi do të rikthehet plotësisht.
Shkaku i problemit mbetet i paqartë, ndërsa përdoruesit vazhdojnë të raportojnë vështirësi në hyrje dhe në përdorimin e platformës.
Lini një Përgjigje