FLASH
Shkruar nga Pamfleti
Ashtu si në periudhën kur u zgjodh Altin Dumani dhe Yuri Kim ishte ambasadore në Tiranë, pritet të fillojë një “luftë” me shumicën amerikane për zgjedhjen e kreut të ri të SPAK-ut.
Këshilli i Lartë i Prokurorisë ka hapur procesin për përzgjedhjen e kreut të ri të Strukturës së Posaçme kundër Korrupsionit dhe Krimit të Organizuar (SPAK). Emri që do të dalë nga ky proces do të zëvendësojë Altin Dumanin, mandati i të cilit përfundon më 18 dhjetor 2025.
Në vazhdën e këtij procesi përzgjedhjeje për pasardhësin e Dumanit, të gjithë sytë dhe veshët janë tek emrat që po diskutohen lart e poshtë, por edhe tek çdo mesazh i koduar nga Amerika, i cili në vitin 2022 pati një ndikim të madh në zgjedhjen e kreut aktual të SPAK-ut, një proces që SPAK-u e monitoroi nga afër.
Megjithatë, duket se SHBA-të kanë përsëri një emër të preferuar për të drejtuar Strukturën Speciale. Emri i tij u zbulua nga e Ngarkuara me Punë e SHBA-së në Tiranë, Nancy VanHorn, gjatë një vizite që pati dje në SPAK, ku takoi vetëm dy prokurorë, Altin Dumanin dhe Klodjan Braho.
Mesazhi i përcjellë nga Ambasada Amerikane u vu re në postimin e vizitës në rrjetin social "X", ku midis fotove, njëra bëri më shumë përshtypje; Dumani, Nancy VanHorn dhe prokurori Klodjan Braho.
E Ngarkuara me Punë Nancy VanHorn dhe Kryeprokurori i Posaçëm i SPAK-ut Altin Dumani u takuan sot për të diskutuar punën e guximshme të SPAK-ut dhe NBI-së me forcat e ligjit të SHBA-së për të luftuar krimin e organizuar, terrorizmin dhe trafikun e drogës. Ata diskutuan gjithashtu takimet e fundit të z. Dumani në… pic.twitter.com/tbx5m1sngC
— Ambasada Amerikane në Tiranë (@USEmbassyTirana) 18 shtator 2025
Fotografia përfshin edhe emrin e prokurorit Klodjan Braho në derën e zyrës së tij. Një mesazh nga SHBA-të, apo rastësi? Në realitetin politik, asgjë nuk i lihet rastësisë dhe duket se emri i Brahos do të jetë ai për të cilin SHBA-të do të luftojnë për t'u bërë kreu i SPAK-ut.
Megjithatë, mungesa e një ambasadori e bën më të vështirë për SHBA-në të ndikojë në procesin e përzgjedhjes së kreut të ri të SPAK-ut. Në këto kushte, politika mund të nxitojë të emërojë 'njeriun e saj' për të drejtuar institucionin e Prokurorisë Speciale. Me goditjet e pafundme që shumica ka marrë nga SPAK, Rama do të përpiqet të luajë çdo kartë në duart e tij, për të vendosur një prokuror "kukull" në krye të Strukturës Speciale.
Ashtu si në periudhën kur u zgjodh Altin Dumani dhe Yuri Kim ishte ambasadore në Tiranë, pritet të nisë një “luftë” me shumicë amerikane për zgjedhjen e kreut të ri të SPAK. Kushdo që “triumfon” në fund, përcakton drejtimin që do të marrë Shqipëria për të paktën 3 vitet e ardhshme./ Pamfleti
Quhem Engjell Hamitaj jam nga Vlora po u zgjodh Klodiani i pari SPAK un dhe familja ime do kerkoj azil krimi Ky njeri dhe gruaja Arjola dhe vjerri i tij keto 6 vite familjes time i kan nxir jeten kete njeri maKaSjell vjerri tij ne tavolin e kam vleresuar qe tr kish holokaus atje do te na digjte me pozitenqe ka per pamfletin kam respekt podoni tel. 0682253230
e do se do dyshja rama berisha kjo eshte puna