FLASH
Shkruar nga PamfletiSi Pëllumb Pilinçi shndërrohet në kukull të Edi Ramës për të sulmuar mediat kritike...
Tashmë Edi Rama ka nisur fazën kulmore të luftës së tij ndaj medias kritike në Shqipëri, e për këtë ka angazhuar të gjitha armët dhe shërbëtorët e oborrit. Pasi futi në lojë Baton Haxhiun, që të sulmojë e denigrojë Pamfletin, sapo ka angazhuar tani edhe “kllounin profesor”, Pëllumb Pilinçi.
I cili siç po vërtetohet katërcipërisht, e siç kemi bërë të ditur në faqet e Pamfletit, nuk është gjë tjetër veçse një mekanizëm butaforik i kryeministrit.
Mekanizëm diabolik, për të çuar mesazhet e tij mafioze e kërcënuese ndaj SPAK dhe medias kritike, nëpërmjet gjoja gallatës së pëllumbit.
Pilinçi i ka hyrë kësaj pune për t’i shërbyer Ramës, duke u shtirur si shejtan budalla. Por nëse dëgjohet me kujdes ky paloprofesori, ai sulmon pikërisht aty ku kërkon dhe i leverdis Edi Ramës.
Ç’punë ka Pilinçi me Pamfletin apo me gazetarët kritikë ndaj Edi Ramës?
Nuk ka asgjë tjetër veçse të delegjitimojë sa më shumë aktorët që i nxjerrin dhe denoncojnë aferat e korrupsionit dhe abuzimit me detyrën.
Meqë profesori klloun është marrë me Pamfletin, ne mund t’i shtrojmë pyetjen që e sjellin lexuesit tanë në komentet apo mesazhet që sjellin ditë për ditë.
Ku i merr paratë ‘profesor’ që të paguash eskortat e mëdha me roje e truproja të mirëpaguara? Ku i gjen paratë me të cilët ke blerë apo marrë me qira makinat luksoze që i përdor si estradë nëpër rrugët e Shqipërisë. Ku i merr paratë për të paguar materialet reklamuese, ku i gjen paratë për të mbajtur një televizion online që i ke vënë emrin shpresa?
Ne i dimë të gjitha, siç dimë se “profesori” është thjesht një kukull. Nga një pensionist në rrethinat e Nju Xhersit, erdhi këtu me kostum jeshil për të gajasur miletin që të përdorë shantazhin e fshehtë ndaj të gjithë atyre që kritikojnë apo denoncojnë vjedhjen e pushtetit.
Profesori, po të ishte vërtetë kryqtari kundër të korruptuarve në Shqipëri, duhet ta dijë se media kritike është aleati më i madh i publikut për këtë qëllim. Pasi aferat e korrupsionit nuk do të njiheshin në këtë vend nëse nuk do të publikoheshin në faqet e Pamfletit. I cili ka sakrifikuar deri me jetë për të mbrojtur të vërtetën. Gazetarit Gjergj Zefi, që ‘profesori’ me emrin Pullumb e thërret “Zefi”, i është bërë atentat, pikërisht se ka denoncuar mafien e lidhur me pushtetin.
Gjthsesi e gjithë kjo lojë e pistët, për të kthyer në parodi luftën ndaj pandëshkueshmërisë, do të shkrihet si kripa në ujë, e Edi do ta shohë fundin e tij të palavdishëm. Bashkë me palaçot e pullumbat e tij./Pamfleti
Lini një Përgjigje