FLASH
Shkruar nga Pamfleti
Një ngjarje e rëndë është shënuar këtë të premte në Tiranë, ku një person ka humbur jetën pasi është hedhur nga ura në zonën e Unazës së Madhe.
Sipas informacioneve paraprake, viktima dyshohet se është hedhur nga ura, duke gjetur vdekjen si pasojë e plagëve të marra. Deri më tani nuk janë bërë të ditura detaje mbi identitetin e personit apo rrethanat që çuan në këtë akt.
Pamjet tregojnë se në vendngjarje kanë mbërritur menjëherë forcat e policisë dhe shërbimi i urgjencës, të cilët kanë ndërhyrë për menaxhimin e situatës.
Autoritetet pritet të zbardhin shkaqet dhe dinamikën e plotë të ngjarjes.
Lini një Përgjigje