FLASH
Shkruar nga Pamfleti
Reshjet e shiut me intensitet të lartë që kanë përfshirë jugun e vendit, veçanërisht qytetin e Himarës, kanë sjellë probleme të shumta, duke bërë që përroi që përshkon zonën urbane të dalë nga shtrati.
Si pasojë e situatës, disa rrugë të qytetit janë përmbytur, ndërsa uji ka depërtuar edhe në ambientet e Komisariatit të Policisë Himarë.
Burime bëjnë me dije se në katin e parë të godinës ka hyrë ujë, çka ka detyruar punonjësit e policisë të ndërhyjnë menjëherë për të ngritur pajisjet dhe mjetet nga toka, me qëllim shmangien e dëmtimeve.
Situata paraqitet ende problematike, pasi reshjet kanë qenë të forta dhe të pandërprera, ndërsa autoritetet po ndjekin nga afër zhvillimet dhe nivelin e ujërave.
Lini një Përgjigje