FLASH
Shkruar nga Pamfleti
Çelsi ka hyrë në fazë të avancuar të interesimit për sulmuesin e Kosovës, Fisnik Asllani. Sipas raportimeve të mediave britanike, klubi londinez ka nisur negociata serioze për të transferuar 23-vjeçarin në “Stamford Bridge” gjatë merkatos së verës.
Asllani, i cili aktivizohet aktualisht me Hofenhajmin në Bundesligën gjermane, po kalon një sezon pozitiv. Ai ka realizuar 9 gola dhe ka dhënë 8 asistime, statistika që kanë rritur ndjeshëm interesin e klubeve të mëdha, përfshirë Çelsin.
Këto paraqitje duket se kanë bindur drejtuesit e klubit anglez të përshpejtojnë hapat për një marrëveshje të mundshme.
Lajmi për interesimin e Çelsit vjen në një moment të rëndësishëm edhe për kombëtaren e Kosovës. Skuadra do të përballet me Sllovakinë në transfertë, në kuadër të fazës “play-off” për Botërorin 2026, një ndeshje që mund të rrisë më tej vlerën dhe ekspozimin e lojtarit.
Lini një Përgjigje