FLASH
Shkruar nga Pamfleti
Ish-drejtori i Policisë së Vlorës, Sokol Mulosmani është arrestuar nga policia në Tiranë pas një konflikti për motive pronësie me vëllezërit e tij. Policia po heton rrethanat e plota të ngjarjes.
Ish-drejtori i Policisë së Vlorës, Sokol Mulosmani është arrestuar nga blutë e Tiranës. Ish-zyrtari i lartë i policisë u vu në pranga nga efektivët e Policisë së Shtetit pas një konflikti të dyshuar për motive pronësie me familjarët e tij në Tiranë.
Sipas informacioneve paraprake, ngjarja ka ndodhur mbrëmjen e djeshme në rrugën “Najzi Leka”, ku Mulosmani dyshohet se është përfshirë në një përplasje me tre vëllezërit e tij dhe një nip. Konflikti mendohet të ketë lindur për mosmarrëveshje mbi çështje pronësie.
Pas njoftimit për incidentin, shërbimet e Policisë së Shtetit kanë ndërhyrë në vendngjarje, duke neutralizuar situatën dhe arrestuar pesë personat e përfshirë.
Deri më tani, autoritetet nuk kanë bërë publike detaje të tjera mbi dinamikën e konfliktit apo veprat penale për të cilat janë proceduar të arrestuarit. Gjithashtu, nuk është raportuar zyrtarisht nëse nga përplasja ka pasur persona të lënduar.
Policia dhe organet hetimore vijojnë veprimet për të sqaruar rrethanat e plota të ngjarjes dhe për të dokumentuar përgjegjësitë ligjore të secilit prej personave të përfshirë.
Lini një Përgjigje