
Një shqiptar 21-vjeçar nga Kosova ka humbur jetën tragjikisht ditën e sotme në provincën Verbano-Cusio-Ossola në Itali. Sipas mediave italiane, viktima është Pashtrik Krasniqi me origjinë nga Kosova, i cili u godit nga rryma elektrike teksa punonte në një platformë në lartësi prej 6 metrash.
Raportet fillestare tregojnë se ai ka prekur aksidentalisht një kabllo elektrike ndërsa po çmontonte skelat pas përfundimit të punimeve të rinovimit të një ndërtese.
Sipas asaj që raporton “Virgilio.it”, 21-vjeçari gjatë çmontimit të skelave, dyshohet se ka prekur kabllon me pulpën e këmbës, gjë që rezultoi fatale për të.
Lini një Përgjigje