Kronike30 Janar 2024, 08:15

E rëndë në SHBA, 34-vjeçari shqiptar vret gruan e tij; zbardhen emrat

Shkruar nga Pamfleti

E rëndë në SHBA, 34-vjeçari shqiptar vret gruan e tij;

Një krim i rëndë brenda familjes, ka ndodhur në Florida në SHBA, ku një 34-vjeçar shqiptar Renato Muhaj ka vrarë me armë zjarri gruan e tij Suela Saliajn, 32-vjeçe.

Pas vrasjes, raportohet se Muhaj ka rrëmbyer vajzën e tyre 8 vjeçe.

Mediat amerikane shkruajnë se Muhaj ka goditur të dy prindërit e tij dhe u ka marrë celularët në mënyrë që ata të mos telefononin policinë.

Kur kanë hyrë në banesën e 34-vjeçarit, oficerët kanë gjetur të vdekur nënën e vajzës së tij Suela Saliajn. Por asnjë shenjë të 8-vjeçares, Alesia Muhaj e cila ishte rrëmbyer nga i ati.

Policia e gjeti 8-vjeçaren brenda pak orësh dhe e dërgoi tek familjarët e saj, ndërsa Muhaj u arrestua dhe u dërgua në paraburgim. Ai akuzohet për vrasje të shkallës së parë dhe rrëmbim të fëmijëve.

Shkaqet e vrasjes nuk dihen ende, por dyshohet se çifti jetonte në vende të ndara nga njëri-tjetri.

E rëndë në SHBA, 34-vjeçari shqiptar vret gruan e tij;

shba 34 vjecari shqiptar grua vrasje zbardhen emrat