FLASH
Shkruar nga Pamfleti
Një ngjarje e rëndë ka tronditur pasditen e së dielës qytetin e Shkodrës, ku trupi i pajetë i një 26-vjeçari është gjetur në ujërat e Liqenit të Shkodrës, në zonën e Shirokës.
Sipas njoftimit zyrtar, rreth orës 18:40, Salla Operative e Drejtorisë Rajonale të Kontrollit të Mjedisit Shkodër sinjalizoi për praninë e një kufome në liqen, e konstatuar nga disa peshkatarë, të cilët njoftuan menjëherë autoritetet.
Viktima është identifikuar si I. L., 26 vjeç. Burime nga grupi hetimor bëjnë me dije se i riu dyshohet të ketë vuajtur nga depresioni. Nga ekzaminimet paraprake, në trupin e tij nuk janë gjetur shenja dhune, duke ngritur dyshimet se mund të bëhet fjalë për një akt vetëvrasje.
Trupi i të ndjerit është dërguar në morg për ekspertizë mjeko-ligjore, ndërsa policia dhe grupi hetimor nga Komisariati i Shkodrës po vijojnë punën për zbardhjen e plotë të rrethanave.
Lini një Përgjigje