Shkruar nga Pamfleti
Një efektiv policie është arrestuar mbrëmjen e djeshme në Greqi.
Burime për mediat bëjnë me dije se bëhet fjalë për Amarildo Kureta, 32-vjeç. I riu punonte prej disa vitesh në Drejtorinë Vendore të Policisë Berat, ku ishte pjesë e efektivëve të Forcave Operacionale në këtë drejtori.
Mësohet se më herët Kureta ka qenë pjesë e forcave “Shqiponja” në Drejtorinë e Policisë Tiranë.
Kureta kishte marrë lejen vjetore dhe ishte nisur për pushime, por sapo ka hyrë në doganën greke ai është prangosur. Burimet zyrtare të DVP Berat konfirmojnë se nuk kanë pasur asnjë njoftim nga Interpoli se efektivi i tyre ishte person “i shpallur në kërkim” për trafik droge.
Të njëjtat burime konfirmojnë se Kureta kishte marrë lejen vjetore, konform të gjitha rregullave e diapozitivave të policisë së shtetit.
Amarildo Kureta ishte shpallur në kërkim nga Italia, ku akuzohet për trafik droge, pas hetimeve disa vjeçare dhe kriptimeve të bisedave telefonike mes efektivit dhe një rrjeti të strukturuar krimi në fushën e narkotikëve.
