FLASH
Shkruar nga Pamfleti
Aldi Mustafa, i cili i shpëtoi atentatit me tritol në Shkozet ndodhet në komisariat duke dhënë dëshminë e tij lidhur me rastin. Mustafa, i cili njihet edhe si miku i 'Rrumit të Shijakut' nuk pësoi dëme serioze, por pati vetëm gërvishtje të lehta.
Sipas informacioneve Mustafa ka deklaruar në polici se nuk ka dijeni, lidhur me faktin se kush i ka vënë sasinë e eksplozivit në makinë.
“Nuk e di kush e ka bërë”, mësohet të ketë thënë Mustafa.
Gjithashtu bëhet me dije se Aldi Mustafa kishte vetëm 3 muaj që sapo kishte dalë nga burgu pas ishte dënuar për armëmbajtje pa leje. Nga hetimet, rezultoi se nuk iu provua se armët që iu gjetën në makinë do t’i përdorte në një atentat të mundshëm sikurse u tha ditën që u arrestua.
Lini një Përgjigje