FLASH
Shkruar nga Pamfleti
Sipas burimeve nga vendngjarja, gjithçka ka nisur kur turistët kanë tentuar të largohen pa paguar për shërbimin e parkimit. Situata është përshkallëzuar në konflikt, dhe roja, në përpjekje për t’i ndaluar, është kapur pas kofanos së makinës në lëvizje.
Një ngjarje e pazakontë ka ndodhur pranë Kalasë së Krujës, ku një çift turistësh dyshohet se janë përfshirë në një incident të dhunshëm me rojen e një parkingu privat.
Sipas burimeve nga vendngjarja, gjithçka ka nisur kur turistët kanë tentuar të largohen pa paguar për shërbimin e parkimit. Situata është përshkallëzuar në konflikt, dhe roja, në përpjekje për t’i ndaluar, është kapur pas kofanos së makinës në lëvizje.
Turistët nuk janë ndalur, duke e tërhequr me vete rojen për disa metra, përpara se ta linin të plagosur rëndë në rrugë. I lënduari, i identifikuar si Bujar Dedja, është transportuar me urgjencë drejt Spitalit të Traumës në Tiranë, ndërsa gjendja e tij shëndetësore raportohet e rëndë.
Ndërkohë, policia ka ndërhyrë menjëherë dhe ka ndaluar një automjet me targa të huaja në Fushë-Krujë, ku ndodheshin disa turistë me shtetësi turke. Megjithatë, deri në këto momente, nuk është konfirmuar nëse këta persona kanë lidhje me ngjarjen.
Autoritetet po analizojnë pamjet e kamerave të sigurisë në zonë për të rindërtuar me saktësi dinamikën e incidentit dhe për të identifikuar autorët e vërtetë.
Lini një Përgjigje