FLASH
Shkruar nga Pamfleti
Një 69-vjeçare është plagosur me armë gjahu në Malësinë e Madhe mesditën e sotme.
Polica bën me dije se ngjarja ka ndodhur në fshatin Marshejë ku e moshuara është dëmtuar lehtë në këmbë me një saçme fisheku arme gjahu nga fqinji i saj.
69-vjeçarja është dërguar me urgjencë në spital ku po merr ndihmën mjeksore, ndërsa shtetasi D. R. 67-vjeç është shoqëruar në Komisariat, për kryerjen e veprimeve të mëtejshme procedurale.
Njoftimi i policisë:
Malësi e Madhe, Shkodër
Mesditën e sotme, shtetasja F. Gj., 69 vjeçe, banuese në fshatin Marshejë, është dëmtuar lehtë, në këmbë, dyshohet me një saçme fisheku arme gjahu.
Nga veprimet hetimore paraprake dyshohet se 69-vjeçarja është dëmtuar aksidentalisht, lehtë, teksa kalonte në rrugë, nga fqinji i saj, shtetasi D. R., 67 vjeç.
69-vjeçarja ka marrë asistencë mjekësore në spital, ndërsa shtetasi D. R. është shoqëruar në ambientet e Komisariatit, për kryerjen e veprimeve të mëtejshme procedurale.
Në cilësinë e provës materiale është sekuestruar arma e gjahut.
Grupi hetimor vijon punën për dokumentimin e plotë ligjor të rrethanave të kësaj ngjarjeje.
Lini një Përgjigje