FLASH
Shkruar nga Pamfleti
Një shqiptar është plagosur me një plumb në kokë pas një sherri të ndodhur për arsye banale në Greqi. Ngjarja ka ndodhur në lagjen Menidi të Athinës. Fillimisht, të shtunën e kaluar, shqiptari ka shkuar në një festë në këtë lagje në momentin që po mblidheshin karriget.
Aty papritur ka filluar një sherr mes tij dhe dy personave të tjerë. Në sherr është përfshirë një 35-vjeçar grek, i punësuar në një dyqan akulloresh i cili ka goditur në fytyrë shqiptarin.
Të shtunën u mendua se sherri përfundoi aty, por në orët e para të ditës së sotme, shqiptari ka shkuar i armatosur në të njëjtin vend duke hapur zjarr ndaj 35-vjeçarit grek dhe duke e plagosur në këmbë.
Duke u larguar, shqiptari është përplasur me një kalimtar duke i rënë arma nga dora. Armën ka arritur ta marrë 35-vjeçari grek i cili ka hapur zjarr ndaj shqiptarit duke e plagosur rëndë në kokë. Të dy janë transportuar në spital, ku greku është në gjendje të mirë ndërsa shqiptari është në gjendje të rënduar shëndetësore.
Shqiptari, me origjinë nga Fieri, rezulton person me precedent të rëndë penal dhe ka dalë së fundmi nga burgu.
Lini një Përgjigje