FLASH
Shkruar nga Pamfleti
Një ngjarje e rëndë ka ndodhur sot pasdite në qytetin italian të Acate, ku një shtetas shqiptar, i identifikuar si person me probleme mendore, ka tentuar të shkaktojë një tragjedi duke kërcënuar të shpërthejë një pallat me bombola gazi.
Sipas mediave vendase, ngjarja ndodhi rreth orës 19:00, në një zonë të populluar të qytetit, ku qytetarët u alarmuan nga sjellja e rrezikshme e shqiptarit. Tensioni në lagje u përshkallëzua me shpejtësi, ndërsa forcat e karabinierëve ndërhynë për të neutralizuar situatën.
Për të ndaluar personin, u desh ndërhyrja e gjashtë karabinierëve, të cilët arritën ta neutralizojnë pa shkaktuar dëme. Ai u shoqërua menjëherë përmes një procedure të TSO-së (trajtimi i detyruar shëndetësor) drejt një strukture shëndetësore të specializuar pranë zonës.
Në vendngjarje u mblodhën shumë qytetarë kureshtarë, të cilët ndoqën të gjithë skenën nga afër, ndërsa zona u rrethua për siguri.
Autoritetet italiane po hetojnë nëse personi kishte histori të mëparshme për incidente të ngjashme, dhe nëse kishte akses real për të shkaktuar shpërthimin e paralajmëruar. Fatmirësisht, nuk raportohen të lënduar dhe situata është nën kontroll.
Lini një Përgjigje