FLASH
Shkruar nga Pamfleti
Apeli i GJKKO, do të rigjykojë dosjen penale ndaj të shumëkërkuarit të drejtësisë Domart Konjari, me një tjetër trupë gjykuese.
Mësohet se Gjykata e Lartë një ditë më parë ka prishur vendimin e shkallës së dytë, që e ka dënuar Konjarin me 15 vite burg në mungesë.
Konjari më 7 tetor të vitit 2021 u shpall fajtor me vendim të formës së prerë për një sërë akuzash që përfshihen “Krijim, organizim dhe drejtim organizate kriminale”; “Pastrim i produkteve të veprës penale ose veprimtarisë kriminale”; “Falsifikim i letërnjoftimeve, pasaportave, vizave” dhe “Korrupsioni aktiv i personave që ushtrojnë funksione publike.
Sipas prokurorisë, Konjari është i përfshirë në trafikun e kokainës dhe heroinës nga Amerika Latine në Europë e kryesisht në Francë.
Konjari dyshohet se drejtonte rrjetin e trafikut të kokainës në disa shtete të Europës Qendrore pasi mendohet se ka lidhje direkte me burimin në Amerikën e Jugut.
Ai është gjithashtu i akuzuari kryesor për ekzekutimin e Devi Kasmit, me të cilin kishte pasur edhe bashkëpunim në fushën e narkotikëve.
Lini një Përgjigje